मराठी कविता - चांदोबा आणि चांदणी

 चांदोबा आणि चांदणी

अमावस्येनंतर कलेकलेने

 वाढणारी चंद्रकोर 

पौर्णिमेच्या रात्रीला

 पुर्ण चंद्र झळकला नभांगनी 

 रंग चंद्राचा शुभ्र पांढरा दुधासम 

 रूप त्याचे विलोभनीय

 लहान मुलांचा चंदामामा,

 रात्रीचा काळोख दुर सारणारा

 चंद्राच्या लख्ख प्रकाशाने तेजाळली वसुंधरा 

 ढगाआड लपुनछपून 

 शांत शंशाकाचा लपंडाव 

 आकाशात रात्रीला चंद्र एकुलता एक.. 

 लुकलुक प्रकाश करीत

 चांदण्याही उगवल्या अनेक 

 निळ्या आकाशी रंगला उत्सव

 चमचमत्या चांदण्यांचा

 सोबतीला आला चंद्र

अन् 

एकत्र जमला मेळा 

जसा कृष्ण आणि गोपिकांचा

निळ्या अंबरी खेळ चाले 

चांदोबा आणि चांदणीचा..

शरद पौर्णिमेच्या रात्रीस 

साथ दिला तारकेने प्रीतीचा...

मराठी कविता - आठवणी

 आठवणी 

 आठवते  अजूनही 

 निरागस  बालपण,

 शांत सरिता किनारी

 एकांतात  रमे मन.

 रम्य ते  लहानपण

 मौजमजा  खेळण्यात,

 मोठे  होताना कळले

 वेळ काळाच्या हातात.

 जुन्या गोड आठवणी 

 असे कायम स्मरणी, 

 उडे हास्याचे कारंजे 

 जेव्हा एकत्र मैत्रिणी.

 रुंजी घालते मनात 

 कडू गोड आठवणी,

 राही मनाच्या कुपीत

 अलवार साठवणी.

 सहवास आठवांचा

 राही मनात जपून,

 जगु आठवणीसंगे 

 भाव अंतरी ठेवून.

स्वामी विवेकानंद -तरुणांचे प्रेरणास्थान

 स्वामी विवेकानंद -तरुणांचे प्रेरणास्थान

 स्वामी विवेकानंदाचे

 विश्वनाथ दत्त पिता,

 माता भुवनेश्वरीच्या

 पोटी जन्म कोलकत्ता.

 बालपणी स्वामीवर 

केले मातेने संस्कार,

लाभे गुरु रामकृष्ण

केला अध्यात्म प्रसार.

अष्टपैलू व्यक्तिमत्व 

नाना खेळात प्रवीण,

विवेकानंदाच्या अंगी

वसे  नेतृत्वाचे  गुण. 

रामकृष्ण  मिशनची

केली मठाची स्थापना, 

योग ध्यान माध्यमाने

करी अखंड साधना.

 सर्वधर्म  परिषद

 व्याख्यानाची गोड वाणी 

 देई  प्रेरणा  युवका 

 स्वामी विचारांचे धनी.

 मराठी कविता - गृहिणी

 उगवता ही सकाळ

 घाई काम नी धंद्याची,

 घरा येई घरपण 

आहे गृहिणी मानाची.

 घरातील सदस्यांची

 घेई काळजी प्रेमाने,

त्याग आणि समर्पण

करी कर्तव्य नेमाने.

आई हाक ती मारता

बाळे जेव्हा बिलगती, 

झाले घराचे गोकुळ 

नेत्रकडा ओलावती.

 घ्यावे लागे जुळवून 

 घरातील प्रत्येकाशी,

 गृहिणीकरिता घर

 हेच स्वर्ग आणि काशी.

 वाटे मनाला अस्वस्थ

 थोडी काढूया सवड,

 दूर होई अस्वस्थता

 जपू आपली आवड.

 काही असाव्या मैत्रिणी 

 हितगुज साधायाला,

 मन हे रिते होताच

 मिळे दिलासा मनाला.

स्वामी विवेकानंद -तरुणांचे प्रेरणास्थान

 स्वामी विवेकानंद -तरुणांचे प्रेरणास्थान

 स्वामी विवेकानंदाचे

 विश्वनाथ दत्त पिता,

 माता भुवनेश्वरीच्या

 पोटी जन्म कोलकत्ता.

 बालपणी स्वामीवर 

केले मातेने संस्कार,

लाभे गुरु रामकृष्ण

केला अध्यात्म प्रसार.

अष्टपैलू व्यक्तिमत्व 

नाना खेळात प्रवीण,

विवेकानंदाच्या अंगी

वसे  नेतृत्वाचे  गुण. 

रामकृष्ण  मिशनची

केली मठाची स्थापना, 

योग ध्यान माध्यमाने

करी अखंड साधना.

 सर्वधर्म  परिषद

 व्याख्यानाची गोड वाणी 

 देई  प्रेरणा  युवका 

 स्वामी विचारांचे धनी.

Marathi Kavita - पंढरपुर आम्हां काशी

मराठी कविता -  पंढरपुर आम्हां काशी 

पंढरीचा पांडुरंग 

आम्हां आराध्य दैवत, 

आषाढी वारीत वारकरी

 उत्साह आनंदाने नाचत.

ऊन, वारा, पाऊस अंगावरी 

झेलित चाले वैष्णवजन, 

विठूरायाला भेटण्याची आस 

 मुखाने करी नामस्मरण. 

टाळ मृदुंगाची साथ

कीर्तन सुखाची पर्वनी,

हरिपाठ, पाऊली करत

वारकरी माऊलीच्या दर्शनी.

 दिंड्या, पताका, पालख्या

 एकत्र होई पंढरीत, 

 विठू नामाचा गजर

 रात्रंदिन चाले वारीत.

 चंद्रभागेच्या वाळवंटी 

 फुलला वैष्णवांचा मळा,

 वैष्णव दंग अभंगात

 अनुपम्य हा सोहळा.

 आत्मबोध होण्या वारी 

 विठ्ठल नाम अविनाशी, 

 विठ्ठल रखुमाई मायबाप

 पंढरपूर हे आम्हां काशी.

नवरात्र दुर्गेचे - Special Poem on Navratri In Marathi

 नवरात्र दुर्गेचे

 आले हो नवरात्र दुर्गेचे 

स्वागत करूया आदिमातेचे,

 घटस्थापना करूनी हो

 जागरण आदिशक्तीचे.

 प्रगटे जगत जननी

 नवदुर्गा विविध स्वरूपात,

 घरोघरी उजळले नंदादीप

 ज्योत  अखंड तेवत.

  प्रथम शैलपुत्री, ब्रह्मचारिणी

 चंद्रघंटा, कुष्मांडा, स्कंदमाता,

  कात्यायनी, कालरात्री

 महागौरी, सिद्धीदात्रीमाता.

 तूं आदिमाया,आदिशक्ती

  दुर्गा महिषासुर मर्दिनी,

 तुंच स्वामिनी जगताची

 त्रिपुरासुंदरी  पापनाशिनी. 

नवरात्रीत नवविधा भक्ती 

पारणे हे नऊ दिवसांचे,

 निर्गुण शक्तीची आराधना 

पर्व भक्तिमय उपासनांचे.

 मनामनांत उत्साह आनंद 

उदो उदो भवानी आईचा,

नवचैतन्याच्या तेजाने

जागर  सृजन शक्तीचा.

नवदुर्गा - Navratri Special Poem In Marathi

नवदुर्गा

आश्विन मासी शुद्ध प्रतिपदेला,

 आले हो नवरात्र नवदुर्गेचे.  

 स्थापना करू आदिशक्तीची, 

स्वागत करूया, जगतजननीचे.||1||

 पहिले रूप हो तीचे  "शैलपुत्री,"

तिच्या स्मरणाने,  मन होईल शांत. 

 दुसरे रूप हो तिचे,  "ब्रह्मचारिणी,"

 ब्रह्मचर्यामुळे सामर्थ्य होई प्राप्त.||2||

 तिसरे रूप हो तिचे, "चंद्रघंटा,"

ललाटावर चंद्र धारण ,करु तिचे पूजन.

 चौथे रूप हो तिचे  "कुष्मांडा, "

ब्रम्हांडाची निर्मिती ,करी यश प्रदान.||3||

 पाचवे स्वरूप हो "स्कंदमाता, "

स्मरण करु तिचे मनोमनी.

 सहावे रूप हो "कात्यायनी,"

मोक्षाची प्राप्ती होई पूजनानी.||4||

सातवे रूप हो तिचे "कालरात्री, "

रूप भयंकर ,फलदायी शुभंकरी.

 आठवे रूप हो दुर्गेचे "महागौरी,"

पार्वतीच्या रूपात कठोर तपस्या करी.||5||

नववे रूप हो , देवीचे "सिद्धिदात्री," 

सर्व प्रकारच्या सिद्धी प्रदान करी. 

 महामाया ही भगवती , असूरनाशिनी, 

 भक्तजन मातेचा जयजयकार करी.||6||

शांतीदूत बापू गांधी - Poem on Mahatma Gandhi

 शांतीदूत बापू गांधी

सत्य, अहिंसा, शांतीची 

शिकवण ही  जगाला.

थोर महात्मा गांधींनी

मुक्त केले भारताला.

 शांतीदूत बापू गांधी

 त्यांची साधीच राहणी, 

 स्वावलंबी  आचरण 

 उच्च  विचारसरणी.

 पायी काढी दांडी यात्रा 

 मिठासाठी  सत्याग्रह, 

 पारतंत्र  नष्ट  व्हावे 

 गांधीजीचा हा आग्रह.

 शस्त्र, अस्त्र ना हातात

 लढे ते  स्वातंत्र्यासाठी, 

 इंग्रजांच्या  विरोधात

 दिला  नारा देशासाठी.

 स्वयंपूर्ण गाव व्हावे

 संकल्पना ही बापूंची,

 आज गरज  देशाला 

 गांधीजींच्या  विचारांची.

क्षमा - Kshama Kavita In Marathi

 क्षमा - Kshama Kavita In Marathi

 क्षमा 

सर्व धर्मीयांमध्ये 

क्षमेला महत्त्वाचे स्थान,

क्षमा करणे मानवाचा गुणधर्म

 हेच खरे क्षमेचे तत्वज्ञान.

सारे विकार मनाचे 

क्रोध, लोभ, मत्सर,

क्षमा हा आत्म्याचा गुण

विजय मिळवू  क्रोधावर.

 सतत दुःखाच्या ओझ्याने

 जखडलेल्या मानवी मनास,

 क्षमा  मागितल्याने

 समाधान  वाटे जीवास.

 राग, द्वेष, अहंकार

 जगतांना दूर सारू या, 

क्षमा मागून एकमेंका

 प्रेमाने एकत्र राहू या. 

जगी प्रसिद्ध येशू, गांधी

क्षमाकर्ता उदार, दिलदार, 

शांतीमय जीवन जगण्या

सत्य, अहिंसा, शांतीचा स्वीकार.