क्षमा - Kshama Kavita In Marathi
क्षमा
सर्व धर्मीयांमध्ये
क्षमेला महत्त्वाचे स्थान,
क्षमा करणे मानवाचा गुणधर्म
हेच खरे क्षमेचे तत्वज्ञान.
सारे विकार मनाचे
क्रोध, लोभ, मत्सर,
क्षमा हा आत्म्याचा गुण
विजय मिळवू क्रोधावर.
सतत दुःखाच्या ओझ्याने
जखडलेल्या मानवी मनास,
क्षमा मागितल्याने
समाधान वाटे जीवास.
राग, द्वेष, अहंकार
जगतांना दूर सारू या,
क्षमा मागून एकमेंका
प्रेमाने एकत्र राहू या.
जगी प्रसिद्ध येशू, गांधी
क्षमाकर्ता उदार, दिलदार,
शांतीमय जीवन जगण्या
सत्य, अहिंसा, शांतीचा स्वीकार.
