चांदोबा आणि चांदणी
अमावस्येनंतर कलेकलेने
वाढणारी चंद्रकोर
पौर्णिमेच्या रात्रीला
पुर्ण चंद्र झळकला नभांगनी
रंग चंद्राचा शुभ्र पांढरा दुधासम
रूप त्याचे विलोभनीय
लहान मुलांचा चंदामामा,
रात्रीचा काळोख दुर सारणारा
चंद्राच्या लख्ख प्रकाशाने तेजाळली वसुंधरा
ढगाआड लपुनछपून
शांत शंशाकाचा लपंडाव
आकाशात रात्रीला चंद्र एकुलता एक..
लुकलुक प्रकाश करीत
चांदण्याही उगवल्या अनेक
निळ्या आकाशी रंगला उत्सव
चमचमत्या चांदण्यांचा
सोबतीला आला चंद्र
अन्
एकत्र जमला मेळा
जसा कृष्ण आणि गोपिकांचा
निळ्या अंबरी खेळ चाले
चांदोबा आणि चांदणीचा..
शरद पौर्णिमेच्या रात्रीस
साथ दिला तारकेने प्रीतीचा...
No comments:
Post a Comment