नवरात्र दुर्गेचे
आले हो नवरात्र दुर्गेचे
स्वागत करूया आदिमातेचे,
घटस्थापना करूनी हो
जागरण आदिशक्तीचे.
प्रगटे जगत जननी
नवदुर्गा विविध स्वरूपात,
घरोघरी उजळले नंदादीप
ज्योत अखंड तेवत.
प्रथम शैलपुत्री, ब्रह्मचारिणी
चंद्रघंटा, कुष्मांडा, स्कंदमाता,
कात्यायनी, कालरात्री
महागौरी, सिद्धीदात्रीमाता.
तूं आदिमाया,आदिशक्ती
दुर्गा महिषासुर मर्दिनी,
तुंच स्वामिनी जगताची
त्रिपुरासुंदरी पापनाशिनी.
नवरात्रीत नवविधा भक्ती
पारणे हे नऊ दिवसांचे,
निर्गुण शक्तीची आराधना
पर्व भक्तिमय उपासनांचे.
मनामनांत उत्साह आनंद
उदो उदो भवानी आईचा,
नवचैतन्याच्या तेजाने
जागर सृजन शक्तीचा.
