गणेशाचे आगमन
भाद्रपद चतुर्थीला
गणेशाचे आगमन,
सर्वांरंभी पूजोनीया
करू स्वागत वंदन.
महादेव पार्वतीचा
सुकुमार गणपती,
स्वामी चौसष्ट कलांचा
तोच एक अधिपती.
लंबोदर गजानन
रूप असे मनोहारी,
येतो धावून संकटी
मिटे दुःख चिंता सारी.
व्यास मुनींच्या आग्रहा
लिही तो महाभारत,
बुद्धी विद्येची देवता
दुर्वा फुले आवडत.
सण मोठा दहा दिन
चाले उत्सव हर्षाचा,
गोड मोदक नैवेद्य
गणाधीश सकलांचा.
No comments:
Post a Comment