माझी मराठी मातृभाषा
माझी मराठी मातृभाषा
किती वर्णू तिची महती,
बोले प्रत्येक घराघरांतून
तिच्यामुळे जीवनाला गती.
माझी वऱ्हाडी मायबोली
किती अवीट नी गोड,
या दुनियेत नाही
तिला कुठेही तोड.
अनेक महान ग्रंथ मराठीत
लीळाचरित्र,ज्ञानेश्वरी नी गाथा,
लोकगीत, लोकवाङमय विपुल
संत साहित्यापुढं टेकवी माथा.
विविध बोलींना, शब्दांना
माय मराठी घेते सामावून,
समृद्ध, संपन्नतेने नटलेली
व्यक्त झाली अभंग, ओव्यातून.
बारा कोसांगणिक बदलते बोली
नानाविध रूप बोलीभाषांचे,
मनामनांत रुळे प्रत्येकांच्या
दिन येवो मराठीला वैभवाचे.
जपू बोलीभाषेचा गोडवा
अनुभवास येई आपुलकी,
माय मराठी आवडे मज
करू नका हो कोणी? तिला परकी.
No comments:
Post a Comment