बहरली प्रीती
शारदीय पुनवेला नभांगणी
लख्ख चांदणं प्रकाश रात,
प्रिय सुधांशूला भेटाया
निघे तारकांची ही वरात.
तेजपुंज चांदण्या आणि
चंद्रांची जमली जोडी,
खेळ त्यांचा लपंडाव
प्रीतीत त्यांच्या आली गोडी.
रातराणी, जाई जुई
शेवंतीचा पसरला गंध,
शरदाच्या चंदेरी रातीला
गंध सुमनांचा करी धुंद.
चांदणं चुरा पडे भूवरी
हिरव्या हिरव्या गवतांवरती ,
स्वप्न दुनियेत रंगूनी
प्रेमीयुगलांची बहरली प्रीती.
No comments:
Post a Comment