स्वयंसिद्धा
संसार रथाच्या दोन चाकांपैकी
एक चाक म्हणजे महिला
तिलाही घेता यावा श्वास मोकळा
आणि वाटे मुक्त साधावा संवाद
येथे स्वातंत्र्य प्रत्येकाला
अनिष्ट रूढी, प्रथा त्यागूनी
लढण्यास ती सदा तत्पर
स्वतःला सिद्ध करण्यासाठी
ती देते अग्निपरीक्षा सत्वर
स्त्री-पुरुष समानतेच्या युगात
आजची स्त्री झाली आहे मुक्त
व्यक्ती स्वातंत्र्य मिळाले आता
म्हणून ती होते व्यक्त
स्वतःचे भावविश्व साकारतानां
स्वप्न तिचे आकाशी झेप घेण्याचे
स्वदुःखांवर मात करून
आलेल्या संकटांना सामोरी जायचे
गुलामगिरीच्या साखळ्या तोडून
आज स्त्री सशक्त स्वयंसिद्धा झाली आहे
आत्मबलाचा आविष्कार आता,
तिच्यात जागा झालेला आहे.
No comments:
Post a Comment