सर्वपित्री अमावस्या
नका देऊ मायबापा
त्रास जिवंतपणात,
आई वडील दैवत
सेवाधर्म हयातीत.
सर्वपित्री अमावस्या
पितरांची आठवण,
पितृदोषातून मुक्ती
होण्या करिता तर्पण.
पितृपक्षी अन्नदान
करू पूजा भक्तीभावे,
पूर्वजांचे आशीर्वाद
मिळतसे मनोभावे.
दान श्रद्धेने केल्याने
पित्र होतात प्रसन्न,
नको कुणीही उपाशी
द्यावे भुकेल्यांना अन्न.
आई वडीलांचे ऋण
असे हो प्रत्येकावरी,
त्यांच्या नावे दानधर्म
हीच आठवण खरी.
No comments:
Post a Comment