Dr. Babasheb Ambedkar - Marathi Poem - डॉ. बाबासाहेब आंबेडकर मराठी कविता
प्रज्ञासुर्य
संविधान लिहूनिया
भीमराव 'शिल्पकार',
शोषितांना, पिडीतांना
त्यांनी दिला अधिकार.
बुद्ध धम्म स्वीकारता
पंचशील आचरिले,
समतेच्या प्रकाशाचे
नवे मार्ग दाखविले.
बाबासाहेबांच्या मनी
होती निष्ठा प्रगल्भता,
समाजसुधारकाने
घडविली एकात्मता.
भीमा तुझ्या प्रगतीने
विकासाची दारे खुली,
पराक्रमी, देशप्रेमी
दीन दलितांचा वाली.
'संविधान' मोठी शक्ती
'प्रज्ञासूर्य' ते महान.
लोकशाही भारतात,
खूप मोठे योगदान
No comments:
Post a Comment