मराठी कविता – वटपौर्णिमा

 वटपौर्णिमा 

ज्येष्ठ महिन्यात आला

 वटपौर्णिमेचा सण,

 सुवासिनी भक्तीभावे 

 करी वटाचे पूजन.

 सत्यवान सावित्रीची

 आहे कहाणी ही जुनी,

 वृक्ष काळाची गरज

 घेऊ महत्त्व जाणूनी. 

व्रत केले सावित्रीने 

उजळले तिचे भाग्य,

 यमादेवा हरवून

 लाभे अखंड सौभाग्य.

दुःख पाहता जीवनी

पतिव्रता सावित्रीने, 

प्राण पतीचे वाचवी

धैर्य आणि चिकाटीने.

 व्रत वैकल्ये करता

 घ्यावे जाणून विज्ञान,

 देई वट प्राणवायू

 करू वृक्ष संवर्धन.