बाप्पाला निरोप
ह्या ओंकार स्वरूपाला
मी निरोप देऊ कशी,
बाप्पा चालले आपल्या घरी
मनाला माझ्या समजावू कशी.
श्री गणेश ही देवता
चराचरातील अविनाशी शक्ती,
दहा दिवस आनंद, उत्साह
मनोभावे सेवा प्रार्थना भक्ती.
चराचरात चैतन्य
सदा असे या भूवरी,
प्रश्न पडे माझा मला
कुणाचे येणे -जाणे कुठवरी.
येथे जीवन हे असेच
येणे आणि जाणे निश्चित,
म्हणून होत असे स्थापना
आणि विसर्जन ही निमित्त.
No comments:
Post a Comment