पंढरीत, हृदयात, तोच नांदत आहे
चंद्रभागेतिरी उभा पांडुरंग आहे.
भक्तांच्या हाकेला, धाव घेई जगजेठी
वैकुंठ सोडूनी आला,भक्त पुंडलिकासाठी.
पांडुरंग मायबाप, दुःखाचा भार वाहे
साऱ्या जगताचा, तोच विधाता आहे.
कुणी नसे त्याच्यापुढं, लहान आणि थोर
अवघेजन आम्ही त्याचीच लेकरं.
नाम विठोबाचे गोड, होऊ भजनात दंग
लावी मनाला तो वेड, गाऊ सदा अभंग.
भारतीय संस्कृतीने
जगा दिली योग विद्या,
सर्व मानव जातीस
आहे संजीवनी विद्या.
सामाजिक जीवनात
खूप महत्त्व योगाचे,
दररोज योगाभ्यास
निर्मूलन विकारांचे.
शरीराची वाढू लागे
रोग प्रतिकार शक्ती,
नाना योगाचे प्रकार
ध्यान देई मन:शांती.
प्राणायाम, योगासने
ठेवी सशक्त मनाला,
अनमोल हे जीवन
ठेवू सुदृढ तनाला.
चित्त वृत्तीचा निरोध
योग एक तत्वज्ञान
नियमित सरावाने
आत्म जागृती निर्माण.
कन्या, मुलगा
वयात येता..
लग्नाचा बेत
ठरवी पिता...
सगेसोयरे
एकत्र येती..
वधू मंडपी
वरात नेती...
दोन जीवांचा
लग्नसोहळा..
थाटामाटात
हर्ष आगळा...
जीवनी साथ
एकमेकांची..
शुभाशीर्वाद
लाभे थोरांची...
गृहस्थाश्रम
हा वधूवरा..
कर्मयोगाने
सुख संसारा...
काव्यप्रकार प्रणूचाराक्षरी
पावसाळा
ऋतु आला..!
मेघ नभी
दाटलेला...!!
थंडगार
वाहे वारा..!
बरसती
जलधारा...!!
रिमझिम
कोसळती..!
जीवनात
हर्षवती...!!
वसुंधरा
तृप्तावती..!
नव बीज
अंकुरती...!!
वृक्षवेली
नटलेली..!
हिरवळ
वेढलेली...!!
चराचर
आनंदले..!
पशुपक्षी
सुखावले...!!
वाघ
शुर, शक्तीशाली वाघ,
अतिशय हिंस्त्र प्राणी.
वाघ समोर दिसता,
घाबरत असे वाणी.
वाघ हा राष्ट्रीय प्राणी,
प्राणी माजंर कुळात.
मांसाहारी नी साहसी,
त्याचे वास्तव्य रानात.
रंग वाघांचा पिवळा,
पट्टे हे काळ्या रंगाचे.
दिसे हा रुबाबदार,
आहे प्रतीक शौर्याचे.
पौराणिक कथेमध्ये,
दुर्गा देवीचे वाहन.
येता शिकार जवळी,
हल्ला झडप घालून.
वाघ वाचविण्यासाठी,
व्याघ्र प्रकल्प देशात.
करू व्याघ्र संरक्षण,
स्थान त्याचे जंगलात.
गणेशाचे आगमन भाद्रपद चतुर्थीला गणेशाचे आगमन, सर्वांरंभी पूजोनीया करू स्वागत वंदन. महादेव पार्वतीचा सुकुमार गणपती, स्वामी चौसष्...
